Энергия тежовчи газ ускунлари табиий газдан оқилона фойдаланишда муҳим аҳамият касб этади. Тежамкорлик оила бюджетига ҳам ижобий таъсир кўрсатиб, ортиқча сарф-харажатларнинг олди олинади. 
Мутахассисларнинг фикрича, ушбу замонавий энергия тежамкор газ ёндиргичлар фойдаланилган табиий газни тахминан 20-25 фоизга иқтисод қилиш орқали оила бюджетини ортиқча харажатдан халос этади. 

Аҳоли турар жойларида суюлтирилган газ баллонларидан   фойдаланишда белгиланган қоидалар мавжуд. Улар қуйидагилар:
❗️- Газ хўжалигида хавфсизлик қоидаларига асосан, газ баллонини ўрнатиш учун лойиҳа ишлаб чиқилади ва жойлардаги газ идоралари билан келишилади. Шундан сўнг ишлатишга рухсат берилади. Агар лойиҳа бўлмаса, газ баллонидан фойдаланиш тақиқланади;
❗️– битта хонадонда 2 тадан ортиқ газ баллони сақлаш ва ишлатиш мумкин эмас;
❗️–газ плитаси эшик, дераза ва электр розеткадан 0,5 метр масофада ўрнатилиши лозим;

Самарқанд вилоятида 2021 йил 1 январь ҳолатига жами 487 104 та суюлтирилган газ истеъмолчилари мавжуд бўлиб, шундан 486 770 та аҳоли хонадонлари, 334 таси ижтимоий соҳа объектларидир. 2021 йил вилоятимиздаги 815 та маҳалла хонадонларидаги истеъмолчиларни суюлтирилган газ билан таъминлаш мақсадида, “Hududgazta’minot” AЖ томонидан жами 81 000 тонна суюлтирилган газ фондини истеъмолчиларга етказиб бериш режалаштирилган.